រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃព្រហស្បតិ៍, 16 សីហា 2018 ម៉ោង 05:39 PM
សកម្មភាពនេះ សឹងក្លាយជាទម្លាប់រៀងរាល់ថ្ងៃរបស់ឯកឧត្តមអគ្គលេខាធិការទៅហើយ ដែលបានចុះពិនិត្យអំពីសកម្មភាពការងាររបស់មន្ត្រី នៅតាមវិទ្យាស្ថាននិងស្ថាប័នឧបសម្ព័ន្ធរបស់រាជបណ្ឌិត្យសភាកម្ពុជា។ បើតាមប្រសាសន៍របស់ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានមានប្រសាសន៍ក្នុងកិច្ចប្រជុំកាលពីថ្ងៃទី១៤ ខែសីហា កន្លងទៅថា ក្នុងនាមជាថ្នាក់ដឹកនាំម្នាក់ ការចុះទៅសួរទុក្ខមន្ត្រីតាមអង្គភាពសាម៉ី ជាកិច្ចការដែលត្រូវធ្វើដើម្បីលើកទឹកចិត្តដល់មន្ត្រីក្នុងពេលបំពេញភារកិច្ច ហើយនេះក៏ជាចំណែកមួយក្នុងការពង្រឹងវិន័យការងារនៅក្នុងស្ថាប័នរាជបណ្ឌិត្យសភាកម្ពុជាផងដែរ។ 
ការចុះត្រួតពិនិត្យការងារតាមអគារ បានក្លាយជាទម្លាប់ប្រចាំថ្ងៃរបស់ឯកឧត្តមបណ្ឌិត យង់ ពៅ អគ្គលេខាធិការ និងមន្ត្រីនៃខុទ្ទកាល័យនៃរាជបណ្ឌិត្យសភាកម្ពុជាទៅហើយ គឺពេលខ្លះ ចុះពិនិត្យការងារនៅពេលព្រឹក ពេលខ្លះក៏ទៅពេលល្ងាច ហើយពេលខ្លះទៀត ក៏ធ្វើឡើងពេលព្រឹកផង និងល្ងាចផង។ និយាយរួម គោលបំណងនៃការចុះត្រួតពិនិត្យ គឺដើម្បីពិនិត្យមើលពីប្រសិទ្ធភាពក្នុងការបំពេញភារកិច្ចរបស់មន្ត្រីរាជបណ្ឌិត្យសភាកម្ពុជា ស្របតាមគោការណ៍ណែនាំលេខ ៨២៨/របសក ចុះថ្ងៃ សុក្រ ១៣កើត ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១ខែធ្នូ ឆ្នាំ២០១៧ ស្តីពី «ការអនុវត្តការពង្រឹងវិន័យនិងវត្តមាន បម្រើការ ងាររបស់មន្ត្រីរាជាការនៃរាជបណ្ឌិត្យសភាកម្ពុជា»។ 
យ៉ាងណាម៉ិញ ឯកឧត្តមបណ្ឌិតសភារ្យ សុខ ទូច ប្រធានរាជបណ្ឌិត្យសភាកម្ពុជា បានក្រើនរំលឹកដល់មន្ត្រីឱ្យខិតខំបំពេញភារកិច្ចរបស់ខ្លួនតាមមុខនាទី នៅតាមវិទ្យាស្ថាននិងស្ថាប័នឧបសម្ព័ន្ធនីមួយៗផងដែរ។ ការគោរពវិន័យ ការបំពេញភារកិច្ចរបស់មន្ត្រីតាមមុខនាទីរបស់ខ្លួន ជាកាតព្វកិច្ចដែលមន្ត្រីរាជការត្រូវធ្វើ ដើម្បីជំរុញប្រសិទ្ធភាពការងារ និងសមិទ្ធផលសម្រាប់ស្ថាប័នរបស់ខ្លួន។ សូមបញ្ជាក់ថា កន្លងមកនេះថ្នាក់ដឹកនាំនៃរាជបណ្ឌិត្យសភាកម្ពុជា បានប្តេជ្ញាជំរុញប្រសិទ្ធភាពការងារនៅក្នុងរដ្ឋដែលជាធនាគារខួរក្បាលរបស់ជាតិ ឱ្យក្លាយជាស្ថាប័នឈានមុខមួយក្នុងវិស័យសិក្សាស្រាវជ្រាវ ព្រោះថា ការសិក្សាស្រាវជ្រាវតាមវិស័យជំនាញនីមួយៗ ជាភារកិច្ចស្នូលរបស់ថ្នាក់ដឹកនាំនិងមន្ត្រីនៅតាមវិទ្យាស្ថាន និងស្ថាប័នឧបសម្ព័ន្ធនៃរាជបណ្ឌិត្យសភាកម្ពុជា។ ក្រៅពីនេះ រាជបណ្ឌិត្យសភាកម្ពុជា ក៏ជាថ្នាលបណ្តុះបណ្តាលធនធានមនុស្សសម្រាប់រួមចំណែកក្នុងការផ្តល់នូវធាតុចូល បំពេញបន្ថែមសម្រាប់ជួយដល់កិច្ចការអភិវឌ្ឍប្រទេសជាតិឱ្យកាន់តែប្រសើរឡើងថែមទៀត។
RAC Media
ដោយ : បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា ការប្រកួតប្រជែងខាងភូមិសាស្ត្រនយោបាយនិងសេដ្ឋកិច្ចកាន់តែខ្លាំងឡើងរវាងសហរដ្ឋអាម៉េរិកនិងចិន បានកើនឡើងហួសពីការប្រជ...
ថ្ងៃពុធ, 23 មេសា 2025 ម៉ោង 07:23 AM
(រាជបណ្ឌិត្យសភាកម្ពុជា)៖ នៅព្រឹកថ្ងៃព្រហស្បតិ៍ ១២រោច ខែចេត្រ ឆ្នាំម្សាញ់ ឆស័ក ព.ស.២៥៦៨ ត្រូវនឹងថ្ងៃទី២៤ ខែមេសា ឆ្នាំ២០២៥ ខាងមុខនេះ វិទ្យាស្ថានសិក្សាចិន នៃរាជបណ្ឌិត្យសភាកម្ពុជា ដោយមានកិច្ចសហការជាមួយនឹង...
ថ្ងៃអង្គារ, 22 មេសា 2025 ម៉ោង 02:10 PM
(រាជធានីភ្នំពេញ)៖ នៅរសៀលថ្ងៃទី១៧ ខែមេសា ឆ្នាំ២០២៥ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជា បានអញ្ជើញចូលរួម ន...
ថ្ងៃព្រហស្បតិ៍, 17 មេសា 2025 ម៉ោង 03:40 PM
លោក ស៊ី ជីនពីង ប្រធានាធិបតីសាធារណរដ្ឋប្រជាមានិតចិន នឹងបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជារយៈពេល២ថ្ងៃ ចាប់ពីថ្ងៃទី១៧ ដល់ថ្ងៃទី១៨ ខែមេសា ឆ្នាំ២០២៥ ដែលជាដំណើរទស្សនកិច្ចលើកទី២ ក្នុងនាមជាប្រធាន...
ថ្ងៃព្រហស្បតិ៍, 17 មេសា 2025 ម៉ោង 11:19 AM
លោក ស៊ី ជិនពីង ប្រធានាធិបតីនៃសាធារណរដ្ឋប្រជាមានិតចិន នឹងអញ្ជើញបំពេញទស្សនកិច្ចផ្លូវរដ្ឋមកកាន់ព្រះរាជាណាចក្រកម្ពុជា ចាប់ពីថ្ងៃទី១៧ ដល់ថ្ងៃថ្ងៃទី១៨ ខែមេសា ឆ្នាំ២០២៥...
ថ្ងៃព្រហស្បតិ៍, 17 មេសា 2025 ម៉ោង 10:12 AM
ឆ្លើយតបទៅនឹងសំណួររបស់អ្នកសារព័ត៌មាន អំពីដំណើរទស្សនកិច្ចរបស់លោកប្រធានាធិបតីចិននៅកម្ពុជា ចំថ្ងៃទី១៧-១៨ ខែមេសា ឆ្នាំ២០២៥ ដែលមានមតិមួយចំនួនបានទាញភ្ជាប់ដំណើរទស្សនកិច្ចនេះ...
ថ្ងៃអង្គារ, 15 មេសា 2025 ម៉ោង 09:09 AM
