ព័ត៌មាន

សកម្មភាពចុះស្រាវជ្រាវគម្រោងស្ដីពី «បន្លែកម្ពុជា៖ ផលិតកម្ម ចរន្តទីផ្សារ បញ្ហាប្រឈម និងដំណោះស្រាយ»

ថ្ងៃអង្គារ, 01 កញ្ញា 2020 ម៉ោង 01:22 PM

អ្នកមើល 8832

ចាប់ពីថ្ងៃទី២៨ ដល់៣១ ខែសីហា ឆ្នាំ២០២០ សមាជិកស្រាវជ្រាវគម្រោងស្ដីពី «បន្លែកម្ពុជា៖ ផលិតកម្ម ចរន្តទីផ្សារ បញ្ហាប្រឈម និងដំណោះស្រាយ» នៃវិទ្យាស្ថានមនុស្សសាស្ត្រ និងវិទ្យាសាស្ត្រសង្គម បានចុះសិក្សាអំពីការនាំបន្លែចេញ និងចូលនៅតាមច្រកទ្វារទ្វេភាគី និងច្រកទ្វារអន្តរជាតិជាតិក្នុងខេតខេត្តបាត់ដំបង និង ខេត្តបន្ទាយមានជ័យ ដូចតទៅ៖

១. ច្រកទ្វារព្រំដែនអន្តជាតិគីឡូ១៣ (ភ្នំជី)

២. ច្រលទ្វារព្រំដែនអន្តរជាតិដូង

៣. ច្រកទ្វារព្រំដែនអន្តរជាតិប៉ោយប៉ែត

៤. និងនៅតាមច្រកព្រំដែនមួយចំនួនទៀត

បើយោងតាមការអង្កេត ក៏ដូចជាការធ្វើបទសម្ភាសន៍មន្ត្រីប្រចាំការនៅតាមច្រកទ្វារនីមួយៗ គឺចាប់តាំងពីការផ្ទុះឡើងនៃជំងឺកូវីដ-១៩ គឺមិនមានការនំាបន្លែចេញឬនាំបន្លែចូលច្រើនទេ ពោលគឺមានតិចតួច សម្រាប់តម្រូវការបរិភោគប្រចាំរបស់ប្រជាពលរដ្ឋនៅតាមព្រំដែនតែប៉ុណ្ណោះ។ ចំពោះប្រភេទបន្លែនាំចូលមកពីប្រទេសថៃមានដូចជា ស្ពៃក្តោប ត្រប់ស្រួយ ខ្ញី ល្ពៅ ពោត ម្លៀត អំពិលទុំ ជាដើម។ ចំណែកកម្ពុជាវិញ ក៏បាននាំចេញ ដំឡូង ផ្លែម្តេញ ម្ទេស ជាដើម។

ដូចនេះបើតាមការចុះអង្គេតផ្ទាល់របស់ក្រុមស្រាវជ្រាវគឺមិនមានការនាំបន្លែចូលច្រើនដូចមុនការផ្ទះឡើងនៃជំងឺកូវីដនោះទេ ពោល គឺមានដោះដូរទំនិញគ្នាតិចតួចប៉ុណ្ណោះ។

RAC Media

ប្រភព៖ ក្រុមការងារស្រាវជ្រាវរាជបណ្ឌិត្យសភាកម្ពុជា

អត្ថបទទាក់ទង

កម្ពុជានិងសហរដ្ឋអាម៉េរិក៖ ទំនាក់ទំនងនិងទំនុកចិត្តដែលត្រូវស្តារវិញ, ដោយ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា

ទំនាក់ទំនងការទូតផ្លូវការរវាងកម្ពុជានិងសហរដ្ឋអាម៉េរិក ត្រូវបានបង្កើតឡើងនៅខែ កក្កដា ឆ្នាំ១៩៥០។ បើគិតមកដល់ពេលនេះ ទំនាក់ទំនងការទូតរវាងប្រទេសទាំងពីរមានរយៈពេលជាង៧០ឆ្នាំហើយ ប៉ុន្តែទំនាក់ទំនងនេះហាក់នៅមិនទា...